Fjórða fylling

Auðun var á landinu um síðustu helgi og ég hitti hann á laugardeginum og fékk smá fyllingu á bandið og spjall.  Hitti tvær sem voru búnar að fara í aðgerð, önnur í ágúst og hin um svipað leiti og ég, sögur okkar voru mjög álíkar og almenn ánægja með allt.  Auðun setti 0.5 í bandið og mældi jafnframt hvað var mikið í því, en ég er núna með ca 6.8 í bandinu og finn alveg að það er alveg í það mesta, bandið heldur vel við og fyrripart dags fer vökvi varla niður en seinnipartinn næ ég að borða ef ég vanda mig.  Ef ekki þá æli ég öllu upp og er ég að verða ansi klár í að "ropa" upp mat sem ég finn að fer ekki niður, en að tala um að æla er í raun ekki rétt því maturinn er ekki komin ofaní maga.
Draumurinn var að verða áttatíu og eitthvað fyrir áramót og mér sýnist á öllu að það geti bara hreinlega orðið að veruleika!! Steig á vikt í morgun og var 90.6 kg og ég er sannfærð að ég eigi að geta náð af mér þessum 700 gr sem vantar uppá til að viktin sýni 8 í byrjun ;)

Annað, af því að ég hef fengið spurningar um afhverju það þurfi reglulega að vera að fylla á bandið og ég hef aldrei almennilega vitað það sjálf þá kom Auðun með útskýringu á því um helgina og um að gera að leyfa öðrum að heyra hana líka.  En Auðun talaði um að það væri mikið fitulag utan um magann sem bandið kæmi yfir, og þegar að fólk væri að léttast þá eðlilega minnkaði fitulagið og því jafnframt losnaði um bandið og þessvegna þyrfti reglulega að vera að bæta pínulitlu í það. Þá vitum við það....

Smá update

Núna eru rúmir 7 mánuður frá aðgerð og lífið gengur sinn vanagang.  Ég hef svosem ekkert sett inn. vegna þess að það er í raun ekkert að gerast.  Ég er að léttast MJÖG hægt, en samt að léttast og mér líður miklu betur.  Ég þurfti að láta fjarlægja hálfan ml af bandinu síðast, fannst bara ekkert fara niður og fór sama dag aftur og lét minnka aðeins í bandinu.  Bandið heldur rosalega vel við fyrripart dags en á kvöldin finnst mér það halda "illa" við, ég veit ekki hvort það sé bara eitthvað spes ég eða hvort aðrir "bandarar" finna þetta líka.  Staðan er þannig í dag að ég er 92.8 kg, sem þýðir að 17.2 kg eru farin frá upphafi. 

Kannski fínt að taka það fram að ástæða þess að ekki meira er farið er örugglega sú að ég hef akkúrat ekkert gert annað en fá bandið, ég er ekkert farin að hreyfa mig eða breyta um lífstíl í raun.  Vissulega borða ég mun minna og ég leyfi mér ekki eða langar kannski síður í nammi, snakk og slíkt og ég er viss um að ef ég hefði tekið sjálfa mig fastari tökum, væri árangurinn betri.  Ekki það, ég verslaði mér gallabuxur í stærð 42 um daginn, en fyrir aðgerð var ég í 48 og það var yndisleg tilfinning að biðja um minni stærð í búðinni, þannig að ég er fullkomlega sátt við þann árangur sem ég hef náð og veit vel að ég mun innan tíðar sjá 80 og eitthvað á viktinni og þá er ég fullkomlega sátt, bið ekki um meira :)

Fylling nr.3

Fór í morgun í mína þriðju fyllingu, númer tvö í Domus.  Það var bætt á mig einum ml, og núna klst seinna er ég pínu hrædd um að það hafi verið of mikið, en þar sem bandið er alltaf þröngt fyrst á morgnana ætla ég að sjá til í dag hvernig þetta verður.  Hef lést lítið síðustu vikur, í morgun stóð viktin í 94.8 kg sem er fáranlega lítið í raun og  minnsta sem ég hef lést síðan ég fór í aðgerðina á 6 vikna tímabili.  Ég veit alveg að ég hef ekki verið nógu dugleg að passa mataræðið enda búin að vera að rokka í þyngd, en það er búið að vera mikið álag á mér og ég hef verið að stelast í súkkulaði til að halda við blóðsykrinum og eins hef ég verið að drekka orkudrykki sem eru auðvitað algjört ógeð fyrir líkamann og það sést strax á árangrinum.  Þannig að vonandi var fyllingin í morgun það spark í rassinn sem ég þurfti.

Vika 16 - Flug

Finnst ennþá að einn ml hafi verið of lítil í bandið fyrir tveimur vikum, er byrjuð að léttast aftur en finnst bandið samt ekki halda nægilega við og langar að fá smá meira í það.  Ætla samt að sjá til í 1-2 vikur áður en ég hef samband við Auðun.  Þyngdin stendur í 95.6 sem er eitt kg á tveim vikum.
Þurfti að skjótast erlendis vegna vinnu, mæli ekki með að fólk reyni að borða í flugvél með bandið vegna þess að loftþrýstingurinn virðist hafa þau áhrif að bandið er fyllra,  ég gerði þau mistök á heimleið fyrir nokkrum dögum og ældi öllu upp og leið hrikalega illa.  Að  öðruleiti gengur bara vel.

Vika 14 - Fylling

Fór í morgun og fékk smá áfyllingu á bandið, var pínu svekkt að það var bara sett 1ml á bandið núna, hefði alveg viljað fá 2-3 að minnsta kosti en læknirinn ræður þessu víst. Þetta var mín fyrsta áfylling á Domus Medica, var mjög fljótlegt, maður skráir sig inn, fer inní spes herbergi þar sem maður fer úr fötunum og í svona sjúkraslopp, svo leggst maður á bekk og læknirinn fyllir á bandið með hjálp röngentækis sem hann getur horft á í skjá við hliðina á sér,  ég var svo látin drekka eitthvað svona þykkt jarðaberjajukk og það var mjög gaman að sjá á skjánum hvernig bandið stoppaði það og svo lak bara smá í gegn.  Þetta tók ekki nema 10 mínutur tops

Fylling í Domus kostar ca 6500 kr og venjulega er það þannig að maður hefur samband við Auðun og hann sendir inn beiðni og þær hjá Domus hringja svo í mann og bóka tíma, ég að vísu hringdi sjálf í röngendeildina núna vegna þess að síðast náðu þeir víst ekki í mig.

Er búin að standa alveg í stað í þyngd, vonandi fer allt af stað núna eftir áfyllinguna.  Er farin að hreyfa mig aðeins,  ég og maðurinn minn reynum að hjóla að minnsta kosti þrisvar í viku, byrja rólega og hef verið að fara þetta 4-6 km og stefnan er sett á að auka það hægt og rólega með auknu þoli.

Vika 13

Hef verið hrikalega löt að koma með update enda svosem ekki mikið búið að gerast. Lífið gengur bara sinn vanagang og ég er að léttast hægt og rólega, alltof hægt og rólega að eigin mati oft en það er kannski það sem fólk þarf að gera sér grein fyrir í upphafi að þetta gerist mjög hægt.  Ég veit alveg að ég er ekkert einsdæmi, ég hitti konur hjá Auðun þegar ég fékk fyllingu, sem var lengra síðan að fóru í aðgerðina sem voru búnar að léttast um þetta 7-12 kg.  Ég er ánægðust með að ég tók þá ákvörðun að segja mjög fáum frá aðgerðinni, þessir örfáu vinir eða fjölskylda sem vita að aðgerðinni finnst mér sjá þörf á að uppörva mig reglulega, segjast sjá rosalegan mun og vissulega sést einhver munur en það er enginn vá munur samt ennþá og ég get látið þetta fara í taugarnar á mér, því mér finnst stundum á öðrum að þeim finnist þetta gerast of hægt.

Staðan er þannig núna að ég stend í 96.6 kg og er með 5.6cc í bandinu, búin að hafa samband við Auðun og biðja hann um að panta tíma fyrir mig í fyllingu og vonandi heyri ég frá honum fljótlega með það, því ég finn alveg að sjálf að bandið mætti vera þéttara.

Mataræðið er svosem bara svipað, ég passa mig á að vera dugleg að drekka og að inntaka trefja er sé nægileg, ég hef alveg leyft mér að fá mér bakaðar kartöflur, hrásalat, sósur og slíkt með grillmatnum, og reyni að grilla sjálf kjúklingabringur (ef ég hef valið) en vissulega borða ég MUN minna í hvert skipti og verð mun fyrr södd.  Ég hef ekki lent í neinum vandræðum, enda passa ég mig á að tyggja vel og borða hægar.  Brauð og kökur fer flest allt illa niður og mér finnst óþægilegt að borða það, nema hreinlega að það sé annað hvort ristað eða mjög blautt, get td ekki borðað muffins, venjulegt brauð og alls ekki pylsubrauð, en ég get borðað pítubrauð og ef það er hamborgari í matinn þá dugar að sleppa efri brauðinu (enda er það í raun of stór máltíð hvort sem er).

Og svona afþví að mér finnst alltaf gaman þegar ég finn eitthvað sem hentar mínum nýja lífstíl, þá langar mig að benda á Corny free sem fæst í kassa með 6 stk í td Krónunni (sú týpa af Corny fæst ekki í Bónus).  Þetta er semsé lítið "súkkulaðistykki" sem er akkúrat passleg stærð fyrir mig, rétt til að stelast í smá og hvert stykki telur aðeins 68 kcal og mér finnst þetta hrikalega gott og æðislegt að eiga þegar að aðrir fá sér nammi.

8 vikur

Ég ætlaði í upphafi að vera með smá pósta vikulega um hvernig allt gengur, en finn núna þegar er aðeins liðið frá aðgerð að bæði er maður svo mikið að jojo-ast í þyngd og eins er ekki í raun það mikið sem gerist viku til viku að það er enginn þörf á vikulegum póstum, ég mun því koma bara reglulega með update og miða alltaf viktun við aðgerðardag (fimmtudag).

Síðustu tvær vikur hafa gengið þokkalega vel,  þurfti að taka sjálfa mig á í að borða hægar og tyggja betur því ég var farin að æla eða ropa upp of mörgum máltíðum með tilheyrandi óþægindum sem gerist ef maður borðar og hratt.  Eins lenti ég því að það hrökk ofaní mig kjötbiti, það var mjög óþægilegt því mér fannst eins og hann sæti hreinlega fastur og í panikki þambaði ég vatn sem jók gríðalega á óþægindin og á tímabili leið mér eins og bandið væri að springa eða ég væri með risastóra vatnskúlu fasta þarna einhverstaðar á leiðinni niður.  Ég ældi svo í framhaldinu hrikalega og viðurkenni fúslega að ég var skíthrædd eftir að ég hefði eyðilagt eitthvað, fannst ég hreinlega fá blóðbragð í munninn en ég tel í dag að það hafi allt sloppið til.

Horfði aftur á DVD diskinn sem ég fékk hjá Auðun og fór yfir gullnu reglurnar, er ekkert farin að hreyfa mig ennþá að viti og tek ekki vítamín, en að öðruleiti sýnist mér ég vera á réttri leið, þarf bara að finna multi vitamín sem er ekki í einhverjum huges töflum.

Ég leysti trefjaþörf dagsins með nýju Cherrios í morgun/hádegismat sem fæst meðal annars í Bónus (Multi Grain), mér finnst það bragðgott og ef ég læt það liggja í smástund í léttmjólk áður en ég borða og auðvitað tygg vel þá rennur það mjög létt niður.

Er venjulega að borða tvær máltíðir á dag og Cherriosið er önnur þeirra, hef sjaldan lyst á morgunmat og fæ mér því morgunmat áður en ég fer í vinnu um hádegi og það dugar mér venjulega frammá kvöldmat, ef ég hinsvegar finn fyrir hungri um miðjan daginn fæ ég mér oft mysudrykk eins og Hleðslu eða Hámark sem aðstoða mig við að ná inn próteinþörf dagsins og slær á hungurverki og eins ef ég finn fyrir nammiþörf (sem var mitt helsta vandamál fyrir aðgerð á kvöldin) þá  finnst mér snilld að fá mér Kraft frá Freyju, sem er að vísu alveg 165 kcal en með bæði 10 gr prótein og 10 gr trefjar, og því mun "hollara" nammi heldur en td að fá sér hefðbundið súkkulaði, eins er Kraftur mjög þétt í sér þannig að ég get látið það duga heila kvöldstund með því að borða mjög litla bita í einu sem mér finnst líka plús.

 

Kvöldmaturinn er því í raun aðalmáltíð dagsins hjá mér og ég reyni að passa mig mikið á því að inntaka próteins sé þar nægileg og að ég sé ekki að borða eitthvað rusl, ég er aftur farin að koma niður ef ég tygg mjög vel flest öllu grænmeti og það hjálpar mér mjög mikið til að passa næringarinnihald kvöldmatsins sé nægjanlegt. 

Viktin í gær fimmtudag stóð í 98.3 kg

Vika 6 - Tveggja stafa aftur.

Vikan búin að ganga vel, fór eins og kom fram hérna neðan í fyllingu á laugardag og síðan þá hef ég þurft að breyta matarvenjum mínum talsvert.  Ég var á hálf maukuðu 2 daga eftir aðgerð, en skammtarnir sem ég kem niður núna eru fáranlega litlir og mér finnst ég lítið sem ekkert borða, en er samt aldrei svöng.  Ég sá í fyrsta skipti á viktinni (alveg síðan ég var á detox) tveggja stafa tölu, vonandi ólíkt detoxinu er hún komin til vera!

Vikt vikunnar er 99,6 kg

Helsta breyting á mataræði eftir fyllingu að ég get ekki borðað neitt þurrt eða klistrað og VERÐ að tyggja alveg hrikalega vel annars fæ ég þvílíka verki. Eins finnst mér að ef ég drekk með mat að það sé of mikið álag á bandið og ég hálf get ropað upp því sem ekki er pláss fyrir, eins smekklegt og það hljómar.  Finn líka að ég þarf að passa að fá nóg af trefjum, þarf að vera duglegri að drekka Eðal topp með trefjum eða hreinlega reyna að finna einhverja aðra lausn.

Fyrsta fylling

Fór í dag um hádegi og hitti Auðun, við vorum þrjár sem vorum mættar og var ofsalega gott að hitta aðrar konur sem hafa upplifað það sama og ég.  Sjálf fyllingin tók enga stund, maður leggst á bakið, setur handleggina í kross yfir axlirnar og gerir hálfgerða magaæfingu meðan að Auðun fann portið.  Ég var með 3.5 í bandinu og Auðun fór með það uppí 6, ég var svo látin drekka vatn til að kanna hvort væri of mikið í því og það var raunin.  Vatnið fór ekki niður i góðu, þannig að Auðun tók 0,4 út aftur og endanleg niðurstaða var sú að ég er núna með 5.6 í bandinu og finnst það alveg hámark í bili.  Fyrir fyllingu gat ég drukkið nánast eins og ég vildi en eftir fyllingu get ég bara sett niður smásopa í einu og er með pínu vindverki aftur en ekkert samt sem skiptir máli eða hefur áhrif á mitt daglega líf.    Þarf að vera á semi maukuðu næstu 2 daga, ætlaði því að fá  mér hrært egg í kvöldmat en mér til mikillar undrunar kom ég ekki heilu eggi niður og þegar ég ætlaði svo að fá mér smá vatn eftir mat, var ég greinilega orðin alveg full því það bara fór ekki niður og ég varð að "æla" upp vatninu og hluta af egginu, þannig að núna er ég alveg pakksödd og samt varla með hálft egg í maganum.

Auðun talaðu svo um að ég yrði að fara aftur í fyllingu eftir ca 6 vikur, þá yrði sjálfsagt sett þessir 0.4 sem teknir voru úr í dag.  Konurnar sem voru þarna í dag ætla að opna lokaða grúbbu á fésinu fyrir okkur, ég get vonandi komið með meira info um það seinna fyrir þá sem lesa hérna og hafa áhuga á að vera með.

Vika 5

Þrátt fyrir páskaeggjaát og steikur með rjómasósum og kartöflum tvisvar yfir páskana, léttist ég um 1 kg í þessari viku og er rosalega ánægð með það eftir tvær erfiðar vikur í hálfgerði stöðnun.   Ég er farin að smakka allt, sumt gengur illa að borða og ég á aðeins í vandræðum með að ég tygg ekki nægilega eða borða of hratt er eins og það festist með tilheyrandi verkjum og óþægindum, en ég er að vinna í því. Eins prufaði ég að fá mér smá appelsín með páskasteikinni og það var hrikalegt, mér leið strax bara á fyrsta sopa eins og ég væri að springa og mér leið ekki vel fyrr en ég var hálfpartin búin að æla því upp aftur.  Þrátt fyrir að vera ekki komin með fullt band, er bandið alveg að halda við að því leiti að ég verð södd mun fyrr og er að borða mig pakksadda á ca 1/3 af því sem ég borðaði venjulega og ef ég borða mig sadda í kvöldmatnum er ég södd allt kvöldið og hef engan áhuga á neinu kvöldnasli og sama á við um hádegismatinn, ef ég borða mig sadda þá dugar það alveg frammá kvöldmat.  (fæ mér stundum Hleðslu í millimál, finnst það ekkert spes en það er stútfullt af próteinum sem ég er að passa mig á að fá nóg af á dag, samkvæmt læknisráði)

Ég mun hitta Auðun á laugardag og fá þá fyllingu í bandið, hlakka mjög mikið til því ég veit ekki ennþá hverju ég mun eiga von á eftir fyllingu.   Bandið hefur núna enginn áhrif á mitt daglega líf, að öðru leiti en ég er fyrr södd, síður svöng, þarf að borða hægar og get ekki drukkið gos ;)  Mun koma með update eftir fyllinguna á laugardag.

p.s
Veit að það eru tveir sem fóru í aðgerð á eftir mér sem lesa hérna reglulega og vonandi hjálpar það eitthvað að lesa mína upplifun af þessu öllu og á þeim nótum langar að benda á vítamín vatnið sem fæst í Krónunni, þetta appelsínugula er virkilega bragðgott og stútfullt af vítamínum og eins drekk ég mikið af Eðaltopp frá Vífifell með eplum og trefjum, mér finnst hann góður og trefjarnar eru stór plús, því það sem ég hef lesið á erlendum spjallborðum er að sumir eiga í vandræðum með hægðir eftir aðgerðina því inntaka á trefjum er lítil sem enginn, ég hef ekki lent í neinum vandræðum, hvort sem það er eðaltoppnum að þakka eða ekki.

Vika 4 - föst

Náði í Auðun fyrir helgi og hann var sammála mér að það væri best að fá fyllingu sem fyrst og ætlaði að hringja fyrir mig í Domus og fá tíma í þessari viku, hann hinsvegar hafði ekki samband þannig að ég reikna með að þeir hafi ekki átt tíma.  Vonandi fæ ég tíma strax eftir páska, þannig að Auðun geti fínpússað bandið fyrir mig þegar hann kemur í lok mánaðarins.  Staðan er þannig núna að mér finnst bandið halda mjög lítið við og ég hef getað borðað nánast allt (hætt að mauka) og í of miklu magni að eigin áliti, en ef ég borða minna þá er ég að drepast úr hungri allan daginn og ég nenni því ekki með milljónkrónaband í maganum.  Það voru veisluhöld hjá mér um helgina og ég fékk mér sneið af súkkulaðiköku báða dagana, en samt ekki í neinu magni en með miklu samviskubiti og í gærdag var ég svo rosalega svöng um kaffileitið að ég fékk mér pylsu.  Staðan í þessari viku er sú að ég hef ekkert lést, sem eru auðvitað gríðaleg vonbrigði.. því draumurinn var að ég mundi sjá tveggja stafa tölu á eftir fyrsta mánuðinn. 

Gleðifréttirnar hinsvegar eru þær að ég finn alveg á fötunum mínum að þessi kg sem þó eru farin, séu ekki þarna lengur og ég mun hugga mig við það þangað til ég fæ band með fullri virkni.

Vika 3 - Vonbrigði

Hef aðeins lést um 400 gr milli vikna, finnst það hrikalega sorglegt því þó að ég sé farin að finna fyrir svengd þá hef ég passað mig rosalega á hvað ég set niður og veit að ég er að borða MUN minna og hollara í hvert mál heldur en áður.  Hinsvegar varaði Auðun mig á því að þessi tími mundi koma, þar sem ég er ekki komin með fullt band þá virkar bandið ekki fullkomlega og hann sagði að ég yrði orðin mjög svöng þegar kæmi að því að fylla bandið.  Fyrstu vikurnar er maður svo bólginn í kringum bandið að það virkar eins og fullt band en um leið og bólgurnar hjaðna, hjaðnar líka virkni bandsins og ég er því miður þannig að ég græ rosalega hratt og örugglega. 

Ég er ennþá að mauka flestan mat en er aðeins farin að prufa að borða ómaukað því mér finnst ég geta borðað meira af maukuðu heldur en ómaukuðu, maukið sjálfsagt lekur beint í gegnum bandið og ofaní maga.   Ég þarf að passa að tyggja vel það sem ég borða og setja ekkert þurrt niður, það er hrikalega óþægilegt og eins og það stoppi hreinlega á leiðinni niður.  Ég er að spá í að reyna að komast að í Domus í fyllingu í stað þess að bíða eftir Auðun,  meika held ég ekki aðra viku þar sem ég nánast stend í stað en ætla að senda Auðun línu og fá álit hjá honum.

Saumarnir gróa rosalega vel, allar bólgur og mar farið og núna finn ég ekkert fyrir því í mínu daglega lífi að ég hafi farið í aðgerð fyrir 3 vikum og er hrikalega ánægð með það.

Vika 2

Vikan er búin að ganga vel, enginn óþægindi vegna skurðana og allt grær rosalega vel.  Fór að borða maukaðan mat í vikunni og töfrasproti heimilsins er minn besti vinur þessa vikuna, fann að um leið og ég fór að borða mat að viktin sveiflaðist upp og niður og ég átti erfiðara með að finna nákvæmar skammtastærðir.  Hef aðeins í lok vikunnar fundið fyrir svengd og hef suma taka þurft að bæta við fjórða matartímanum en samkvæmt bókinni á maður að reyna að borða bara 3x á dag.  Nokkuð eðlilegur dagur hjá mér er 2 egg í morgunmat, tæplega bolli af súpu í hádeginu (eða maukaður kjúklingur) og ca hálfur bolli af maukuðum kjúkling í kvöldmat, stundum hef ég fengið mér banana eða eitthvað í kaffinu, ég drekk svo vitamín vatn á daginn og heilmikið af hreinum blönduðum ávaxtasafa.  Mér finnst að ég ætti að vera að léttast hraðar miðað við hvað ég er að borða rosalega lítið miðað við áður, en endarleg tala þessa vikuna er 101.8 kg sem er 1kg minna en í síðustu viku sem er í raun flottur árangur ef maður horfir á heildarpakkann og að það eru 52 vikur í árinu. 

Vika frá aðgerð.

Bara vika frá aðgerð og lifið komið í eðlilegt horf. Mér líður vel, saumarnir gróa vel og ég er orðin svona 90% eins og fyrir aðgerð og finn lítið fyrir því að ég hafi verið í stórri aðgerð fyrir aðeins viku, mig hefði aldrei grunað að ég yrði svona fljót að jafna mig.  Í gær var fyrsti dagurinn sem ég fékk engan loftverk uppi öxlina og jafnframt fyrsti vinnudagurinn og allt gekk eins og í lygasögu.

Viktaði mig i morgun og viktin sýndi 102.8 kg.

Það er svolítið skrítin tilfinning að vera með bandið og vera ennþá bara á fljótandi, ég er aldrei svöng en finn samt heldur aldrei fyrir bandinu í raun.  Er að prufa mig áfram í mat, síðan ég ældi kjúklingasúpunni á spítalanum hef ég haft litla lyst á súpum en borða sjávaréttasúpuna frá 1944 með bestu lyst, einn sigtaður skammtur eru tvær máltíðir fyrir mig og í gær var það eina sem ég borðaði þann daginn.  Kakósúpan sem ég borðaði um daginn fannst mér of þung í maga, varð flökurt, þannig að ég mæli ekki með henni strax.  Auðun vildi að ég væri á fljótandi alveg í 2 vikur og var þá að tala um til að ná hámarks árangri í þyngdarlosun, en bókin talar um viku þannig að ég ætla að taka hinn gullna meðalveg og byrja að prufa mig áfram í maukuðum mat um helgina.

Vinna á morgun

Í dag er fyrsti dagurinn sem ég reyni að "borða" 3 sinnum yfir daginn, fram að þessu hef ég verið að fá mér smá og smá allan daginn til að ná upp orku. En í morgun fékk ég mér morgunmat, 5 frekar litlir sopar af AB mjólk runnu vel niður og ég var södd, í hádeginu fékk ég mér svo hálft glas ca af kakósúpu g hálft glas af appelsínsafa.  Ég ákvað í dag að fá mér wind-eze strax eftir máltíðir og hef ennþá ekki lent í slæmum vindverkjum þá það séu ennþá smávegis verkir til staðar og ég er að drekka svona vítamín vatn allan daginn og þarf að standa mig aðeins betur í vatninu.  Í kvöld er ég svo ákveðin í að fá mér sigtaða sjávarréttasúpu (1944) og mig hlakkar mjög til. 

Morgunn er svo fyrsti vinnudagurinn eftir aðgerð, ég hugsa að það verði ekkert mál ef ég næ að koma niður nægilegum kaloríum.  Sárið heldur áfram að gróa og lítur vel út, ég finn lítið fyrir því í raun og þarf bara að passa mig að vera ekki að lyfta neinu og þá er ég í góðum málum.

Home sweet home.

Flugið gekk vel, fann ekki fyrir neinum aukaverkunum og leið almennt vel fyrir utan smávegis vindverki sem sjálfsagt stöfuðu af því að ég drakk ekki nægilega rólega, svaf vel í eigin rúmi og dagurinn byrjar vel. Tók plásturinn af stóra skurðinum áður en ég fór að sofa, hann lítur vel út, talsvert mar og bólgur ennþá en ekkert sem ég hef áhyggjur af hinsvegar (tek kannski mynd af þessu í dag), en ég er með 5 skurði í heildina, 4 eru bara pínu litlir kannski hálfur sm og svo er aðalskurðurinn kannski 5-6 sm og allir eru þeir límdir saman þannig að það eru engir saumar sem maður þarf að spá í.

Morgunmaturinn var alíslensk kókómjólk (hafði svo ekki lyst á LGG) með allri sinni óhollustu en núna þessa dagana snýst þetta um að koma niður nægilegum kaloríum til þess hreinlega að það líði ekki yfir mig við minnstu hreyfingu og á meðan ég er að ná upp orku, hef verið að ná að koma niður kannski 2-300 kalorium á dag og er sátt með það.   Ennþá hef ég enga löngun í mat og þarf að passa mig að gleyma ekki að fá mér eitthvað annað en vatn, en ég hugsa að ef ég mundi ekki spá í því þá mundi líkaminn ekki kalla á neitt annað en vatnið bara.  Steig á vikt í morgun, hún sýndi 103.9 kg en formleg viktun verður ekki fyrr en á fimmtudag eða viku eftir aðgerð :)

Fylling.

Gleymi alltaf að skrifa það, en Auðun gerir þetta talsvert öðruvísi en aðrir sem ég hef lesið um eða þá að þetta er það nýjasta, en ég semsé fékk strax 4 cc fyllingu í bandið en venjulega les maður alltaf að bandið sé haft tómt fyrstu 4 vikurnar meðan allt er að gróa, en ekki hjá Auðun.  Ég mun svo fara aftur eftir ca 4-5 vikur (hann kemur til landsins í endaðan apríl) og þá mun hann bæta meira á það og hann talaði um að fara alveg uppí 7cc (bandið er 10cc, minni týpan semsé).

Dagur fjögur - Heimferð

Vaknaði nokkuð hress í morgun, ákváðum að taka leigubíl frá hótelinu að lestarstöðinni í Birmingham og taka lestina beint þaðan til London, mæli með að fólk geri það frekar en reyna að taka lestina beint til Bromsgrove. Fór í Boots og fékk mér Rennie og Wind-eze og hefði átt að gera það mikið fyrr, mæli með að fólk sé búið að kaupa sér vindlosandi, þvílíkur munur!  Finn aðeins að það tekur í sárið, en eftir að ég losnaði við vindverkina líður mér bara nokkuð vel.  Búin að koma niður allskonar vökva í dag, ávaxtasafar fara best niður og eins fékk ég mér heitt kakó áðan sem var snilld, finn alveg að ég þarf að drekka meira af kaloríum til að finna ekki fyrir svima og hlakka til að komast heim og prufa allskonar jógurt og slíkt sem ég þekki, LGG er efst á óskalistanum, þó ég hafi akkúrat enga matarlyst og finnist sum matarlykt hreinlega vond þá er góð tilfinning að fá eitthvað í magann.

Flug í kvöld, kvíði pínu.. hef lesið á netinu að vegna þrýstings þá þrengist á bandinu í flugi og sumir upplífa að geta ekki kyngt eigin munnvatni og finnast þeir hálfpartinn vera að kafna, vonandi verður ekkert svoleiðis hjá mér.   Vikt á morgun!

Dagur þrjú.

Get alveg viðurkennt að dagurinn í gær var hrikalegur, mikil flökurleiki, hausverkur og almenn vanlíðan. Náði ekki að koma niður nema ca hálfum líter af vatni, og annað eins af ávaxtasafa og á tímabili fannst mér þetta alls ekki þess virði og dauðsá eftir að hafa lagt þetta á mig.  Ég hinsvegar vaknaði mun betri í morgun, vonandi helst það út daginn. Finn aðeins fyrir vindverkjum, en ekkert sem er hrikalega slæmt.  Hef aðeins verið að fá hungurverki, það er sérstök tilfinning því ég er alls ekki svöng en maginn mótmælir því stöðugt.  Finn alveg að þó mig langi ekki beint í mat, þá þráir munnurinn að fá eitthvað og matarauglýsingar í sjónvarpi pirra mig.  Við þurftum að sprauta mig í gær með blóðþynningarlyfjum og þurfum að gera það áður en ég fer í flug á morgun aftur og það gekk bara vel.  Verkjalyfið sem ég fékk á sjúkrahúsinu er viðbjóður, þetta er svona krakkaverkjalyf í fljótandi formi með appelsínubragði og er næstum ódrekkandi, vona að ég þurfi ekkert á því að halda í dag en mæli annars með því að fólk taki með sér stíla að heiman, endaþarmsverklyfsstílar fást ekki í UK og eru must eftir svona aðgerð.

Ákváðum að fara til baka i gegnum Birmingham, en komum hingað með allskonar stoppum og rugli og nennum því ekki, þannig að við tökum leigubíl til New street stöðina í Birmingham og okkur var lofað því á 20 pund, svo fann ég lestarmiða á 22 pund á mann, 1.class með neti alla leiðina og ekkert stopp sem kemur okkur til London, svo þurfum við bara að koma okkur til Heathrow þaðan sem verður ekkert mál held ég.

Hlakka rosalega til að stíga á vikt þegar ég kem heim.

Aðgerðadagur

Í gær fimmtudag mættum við kl.7 að morgni á sjúkrahúsið í innlögn, við höfðum farið daginn áður í blóðprufu og því var ekkert því til fyrirstöðu að leggjast inn, við biðum í kannski klst áður en kom að okkur og svo var okkur fyllt inná einkaherbergi.  Ég viktaðist 107 kg á sjúkrahúsinu. Sjúkrahúsið er uppí miðri sveit, svakaleg bygging sem sjálfsagt var einhverskonar ríkramannasetur og breytt í einkasjúkrahús.  Ég hitti svæfingalæknirinn fyrst, og svo kom Auðun og fór yfir allt með okkur aftur.  Ég átti að vera nr.7 í röðinni sem hefði þýtt að ég hefði farið í aðgerðina um kaffileiti en vegna þess að ég ætlaði ekki að vera á sjúkrahúsinu yfir nótt þá potaði hann mér framar og var ég nr.3 sem þýddi að aðgerðin var um kl.11.  Það er svosem ekki margt hægt að segja um aðgerðina sjálfa, ég var svæfð og vaknaði einhverri klst seinna og var í móki meira og minna alveg til kaffileitis en þá fór ég aðeins að rumska almennilega og fékkst til að standa upp og drekka smá.  Um kvöldmat var með boðin smoothy sem ég drakk ca helming af og svo sögðu hjúkkurnar (sem notabene er yndislegar) að ég yrði að smakka smá súpu áður en ég færi heim, sem og ég gerði en þá var ég trúlega búin að ofreyna magann og ég endaði á að líða ógeðslega illa og ældi svo, klst síðar leið mér mun betur og fékk loksins að fara uppá hótel. 

Ég svaf vel í nótt, var ekki mikið kvalin en er búin að pína í mig smá súpu í dag, ca hálfum líter af vatni og smá appelsínusafa.  Mér líður frekar illa, með hausverk og er flökurt en vonandi líður það hjá þegar líður á daginn.

Greiðsla.

Svona aðgerð er langt frá því að vera ódýr, en er hægt að verðleggja heilsuna?  Ég setti þetta þannig uppfyrir mig að ég væri búin að eyða sjálfsagt tugum eða jafnvel hundruðum þúsunda í allskonar töfralausnir með misjöfnum árangri, allt frá herbalife að líkamsræktarkortum en alltaf vantaði að fylgja þessu til enda, gefast ekki upp.

Aðgerðin kostar 5500 pund, sem ég greiði helming hérna heima inná reikning Auðuns og restina fer ég með í vasanum út og greiði þar.  Ég heyrði að það væri hægt að fá uppáskrifað hjá Auðun að maður væri að fara í svona aðgerð og fá undanþágu hjá Seðlabankanum á gjaldeyrishöftum en ég ákvað strax í upphafi að ég ætlaði að segja sem fæstum frá hvað væri að gerast og því hentaði hitt mér betur.

Upphafið.

Ég frétti af svona aðgerðum fyrir ca tveimur árum í gegnum youtube og hef fylgst með sögum fjölda fólks sem hafa staðið í þessu og verið svo yndislegt að það hefur leyft heiminum að fylgjast með sér, bæði sigrunum og erfiðleikunum.  Ég á sínum tíma skoðaði að fara til Bretlands í aðgerðina og sá fullt af síðum sem buðu uppá þetta á 6500-6900 pund og sendi fyrirspurnir á nokkra staði en lét þar við sitja, fannst þetta eitthvað svo fjarlægt og mikið vesen.

Fyrir jól 2010 sá ég svo litla frétt í Fréttablaðinu um að íslenskur læknir Auðun Sigurðson væri með fund til að kynna svona aðgerðir og ég nánast grét þegar ég áttaði mig á því að ég yrði ekki á landinu til að fara á fundinn, en það að það væri íslenskur læknir gaf mér nýja von og strax og ég kom heim fór ég á http://www.er.is/ og spurði og spurði hvort fólk vissi hvernig maður kæmi sér í samband við Auðun og loksins gaf sig fram ein yndisleg kona sem þekkti til og gaf mér upp emailið hans og sagði mér jafnframt að hann væri að opna heimasíðu.  Ég stökk til og sendi honum línu strax, sem hann svaraði nokkrum dögum seinna og svo hringdi hann í mig og svaraði helstu spurningum mínum um aðgerðina.  Ég gaf mér svo nokkra daga til að ræða við fjölskylduna og hafði svo samband við hann aftur og bókaði tíma í aðgerð þann 24.mars!!

Hér fyrir ofan verður sagan mín um mína aðgerð og vonandi mína sigra, vonandi hjálpar það einhverjum að stíga skrefið og ekki hika við að senda mér skilaboð ef fólk hefur einhverjar spurningar.